*

miðvikudagur, 20. október 2021
Innlent 13. júní 2012 10:59

Fujitsu-tölvur aftur fáanlegar hér á landi

Tölvur frá einum stærsta tölvuframleiðanda Japans hafa ekki verið til hér um árabil.

Ritstjórn

Samningar hafa náðst á milli japanska tæknirisans Fujitsu og Opinna kerfa um dreifingu, sölu og þjónustu á vörum fyrirtækisins hér á landi. Fujitsu er þriðja stærsta upplýsingatæknifyrirtæki heims og það stærsta í Japan. Vörur frá Fujistu voru áberandi á íslenskum tölvu- og tæknimarkaði á árum árum en hafa verið ófáanlegar hér í mörg ár.

ACO-Tæknival seldi vörur frá Fujitsu síðast fyrir um áratug.

Í tilkynningu er haft eftir Gunnari Guðjónssyni, forstjóra  Opinna kerfa, að samstarf við Fujitsu marki tímamót. 

Í tilefni af samstarfi Opinna kerfa og Fujitsu komu fulltrúar fyrirtækisins í Danmörku hingað til lands, þeir Peter Koch, sölu- og markaðsstjóri, og Kristian Reseke, sölustjóri dreifingar. Lýstu þeir yfir mikilli ánægju með að Fujitsu væri aftur komið til Íslands.

Frá undirskrift samningsins. 

Stikkorð: Opin kerfi Fujitsu