Hverjir munu vinna á heilbrigðisstofununum framtíðarinnar? Þetta var stóra spurningin á fundi Samtaka fyrirtækja í velferðarþjónustu sem haldinn var í gær á Grand hóteli. Yfirskrift fundarins var „Fagmenn framtíðar.“
Sigríður Ingibjörg Ingadóttir, formaður velferðarnefndar Alþingis, lagði mikla áherslu á uppbyggingu Landspítalans og Pétur Magnússon, forstjóri Hrafnistuheimilanna, veltu upp þeirri spurningu hver ætlaði að sjá um fólk í ellinni.
Ólafur G. Skúlason, formaður félags íslenskra hjúkrunarfræðinga, fjallaði meðal annars um brottflutning íslenskra hjúkrunarfræðinga og Bryndís Hlöðversdóttir, starfsmannastjóri Landspítala, fór yfir tækifæri og ógnir við mönnun á spítalanum.
Að lokum fjallaði Gylfi Dalmann Aðalsteinsson, dósent við Háskóla Íslands, um vinnumarkað framtíðarinnar og sló hann á létta strengi í lokin og gerði grín að kynslóðabilinu.