Fulltrúar Seðlabanka Íslands og fjármálaráðherra funduðu í gær með bandarískum fjárfestingasjóðum sem halda utan um stóran hluta þeirra 320 milljarða aflandskrónueigna sem til stendur að leysa úr landi með gjaldeyrisútboði Seðlabankans í næsta mánuði. Frá þessu er greint á vef dv.is í dag.
Ef marka má heimildir DV kom það fram á fundinum að gjaldeyrisútboð Seðlabankans mun fara fram 16. júni næstkomandi.
Í nýsamþykktum lögum er aflandskrónueigendum gefinn kostur á að skipta á krónueignum sínum í evrur í fyrrnefndu útboði Seðlabankans ella að fjármunir þeirra verði fluttir á læsta reikninga sem bera 0,5% vexti og endurskoðaðir á tólf mánaða fresti af Seðlabankanum. Frumvarpið miðar að því að tryggja efnahagslegan stöðugleika með lögum, í tengslum við gjaldeyrisútboð Seðlabanka Íslands, sem ráðgert er í næsta mánuði, og leggja grunninn að lokahnykk áætlunar stjórnvalda um losun fjármagnshafta