Nokkur íslensk fyrirtæki hafa áhuga á tvöfaldri skráningu á hlutabréfamarkað hér og í Stokkhólmi eða í Ósló í Noregi. Þetta segir Jónmundur Guðmarsson, framkvæmdastjóri Beringer Finance á Íslandi. Rætt er við Jón í Morgunblaðinu í dag. Jónmundur tekur Advania sem dæmi um fyrirtæki sem leiti leiða til að sækja fram erlendis.
Beringer Finance hefur sérhæft sig í að aðstoða íslensk fyrirtæki við að koma sér á framfæri erlendis og kynna fjárfestingarkosti hér á landi fyrir erlendum fjárfestum.
Jónmundur segir bæði um að ræða fyrirtæki sem þegar eru skráð á hlutabréfamarkað hér á landi og einnig fyrirtæki sem ekki eru í Kauphöllinni en hafa hug á skráningu.
Fjallað er um Advania í Viðskiptablaðinu í dag en þar rætt við Gest G. Gestsson , forstjóra fyrirtækisins, í viðtali vikunnar.