Viggó er gefið að sök að hafa falsað yfirlýsingu að andvirði 15 milljarða króna vegna ábyrgðar á skuldabréfaútboði félagsins Napis inc. í kauphöllinni í Guernesey. Reynt var að taka lán út á ábyrgðaryfirlýsinguna í Filipseyjum, Betlandi og víðar. Fjallað var um málið í fjölmiðlum á sínum tíma, meðal annars í 24 Stundum í september 2008. Viggó var skráður framkvæmdastjóri Napis og eigandi 25% hlutafjár í félaginu.
Málefni VSP komust í hámæli vorið 2007 þegar forráðamenn VSP tilkynntu saksóknara efnahagsbrota um ætlaða refsiverða háttsemi framkvæmdastjórans þar sem grunur lék á að hann hafi falsað eða rangfært skjöl sem áttu að vera frá VSP, en voru það ekki. Í hinum fölsuðu skjölum var meðal annars yfirlýsing um að 200 milljónir dala væru í vörslu VSP á tilteknum bankareikning. Innistæðuna skyldi síðan greiða þeim aðila sem framvísar skjalið á gjalddaga, sem var í árslok 2009. Sérstaklega var tekið fram að skjalið megi framselja og það notast sem ábyrgð fyrir lánveitingum. Reynt var að fá lán út á skjalið hjá Bank of Scotland í Bretlandi og í Manilla á Fillipseyjum.
