Øystein Mæland, fyrrverandi ríkislögreglustjóri í Noregi, verður nýr forstjóri Akershus sjúkrahússins í Osló. Mæland tekur við af Stein Vaaler. Sá síðarnefndi hefur verið tímabundið settur forstjóri síðan Hulda Gunnlaugsdóttir, fyrrverandi forstjóri, lét af starfi fyrir jól.

Hulda Gunnlaugsdóttir, sem eitt sinn var forstjóri Landspítalans, lét af störfum hjá Akershus spítalanum vegna þess að hugmyndir hennar um breytt vaktakerfi hjúkrunarfræðinga féll í grýttan jarðveg. Norski viðskiptavefurinn e24 segir að erfiðlega gangi að finna eftirmajnn hennar. Vegna vandræðagangsins hafi stjórn spítalans þurft að segja af sér.

Øystein Mæland var nýskipaður ríkislögreglustjóri þegar fjöldamorðin í Osló og Útey voru framin árið 2011. Hann sagði af sér fljótlega eftir að ódæðin voru framin.