Guðbjartur Hannesson, velferðarráðherra, hefur skipað Jóhann Ársælsson, fyrrverandi alþingismann, formann stjórnar Íbúðalánasjóðs í stað Katrínar Ólafsdóttur lektors sem óskað hefur lausnar vegna annarra starfa.
Þetta kemur fram á vef Íbúðalánasjóðs.
Jafnframt hefur ráðherra skipað Henný Hinz, hagfræðing, sem aðalmann í stjórnina og Steinunni Valdísi Óskarsdóttur, fyrrv. þingmann Samfylkingarinnar og nú sérfræðing í innanríkisráðuneytinu, sem varamann hennar.
Stjórn Íbúðalánasjóðs er þar með skipuð eftirtöldum fulltrúum:
- Jóhann Ársælsson, fyrrverandi alþingismaður, formaður
- Sjöfn Ingólfsdóttir, fyrrverandi formaður Starfsmannafélags Reykjavíkurborgar, varaformaður
- Henný Hinz, hagfræðingur
- Lárus L. Blöndal, hæstaréttarlögmaður
- Elín R. Líndal, framkvæmdastjóri
Til vara:
- Friðjón Einarsson, bæjarfulltrúi
- Steinar Harðarson, verkfræðingur
- Steinunn Valdís Óskarsdóttir, sérfræðingur í innanríkisráðuneytinu
- Sigríður Á. Andersen, héraðsdómslögmaður
- Hákon Hákonarson, vélvirki
