*

laugardagur, 11. júlí 2020
Innlent 8. maí 2018 13:39

Fyrsta flug Icelandair til Dublin í dag

Flogið verður sex sinnum í viku allt árið um kring til höfuðborgar írska lýðveldisins.

Ritstjórn
Örnólfur Jónsson flugstjóri Icelandair, Nils Bogason framkvæmdastjóri fjármála Icelandair og Paul O´Kane framkvæmdastjóri Dublin flugvallar
Aðsend mynd

Í dag hóf Icelandair beint áætlunarflug til Dublin, höfuðborgar Írlands. Flogið er sex sinnum í viku allt árið um kring.

„Með stækkun leiðakerfis okkar á undanförnum árum og einkum mikilli fjölgun áfangastaða í Norður-Ameríku sjáum við nú tækifæri til að bæta borginni við hjá okkur, enda mun hún þétta og styrkja tengiflugið til og frá Bandaríkjunum og Kanada, auk þess sem hún nýtur vinsælda hjá Íslendinum“, segir Björgólfur Jóhannsson, forstjóri Icelandair.

Á myndinni sem tekin var í móttökuathöfn á flugvellinum í Dublin í dag er áhöfnin ásamt Boga Nils Bogasyni, framkvæmdastjóri fjármála Icelandair og Paul O’Kane framkvæmdastjóra hjá Dublin flugvelli, en það er flugstjórinn í fyrsta fluginu, Örnólfur Jónsson, sem mundar skærin.