Söfnun gagna og sjónarmiða er langt komin í rannsókn Samkeppniseftirlitsins á fyrirtækjaráðgjöf fjármálafyrirtækja. Samkvæmt heimildum Viðskiptablaðsins er hins vegar ekki loku fyrir það skotið að frekari sjónarmiðum og gögnum verði aflað í rannsókninni, en enn er gert ráð fyrir að henni ljúki fyrir áramót. Hins vegar liggur ekki fyrir hver niðurstaðan verður eða hver viðbrögð eftirlitsins verða, ef nokkur.
Í Viðskiptablaðinu í síðustu viku var greint frá rannsókninni, en hún snýr m.a. að því að rannsaka hvort ítök bankanna í skuldugum fyrirtækjum ráði því hvort fyrirtækjaráðgjöf viðkomandi banka fái verkefni frá fyrirtækjunum.