*

fimmtudagur, 12. desember 2019
Innlent 21. október 2015 21:52

Gallup: Aðeins 4% sjálfstæðismanna mjög hlynntir upptöku evru

Samkvæmt nýrri könnun Gallup eru fleiri andvígir upptöku evru á Íslandi en hlynntir.

Ritstjórn
Neikvæð umræða um fjárhag Grikklands og evruna í fjölmiðlum gæti hafa haft áhrif á skoðun Íslendinga á mögulegri upptöku evru.

Samkvæmt nýrri könnun, sem Gallup gerði fyrir Viðskiptablaðið, eru fleiri andvígir upptöku evru en hlynntir. Ítarlega verður fjallað um könnunina í Viðskiptablaðinu sem kemur út í fyrramálið. 

Svarendur voru spurðir hvort þeir væru hlynntir eða andvígir upptöku evru sem gjaldmiðils á Íslandi. Svarmöguleikarnir voru mjög hlynntur, frekar hlynntur, hvorki né, frekar andvígur og mjög andvígur.

Mikill munur á milli stjórnmálaflokka

Um 75% þeirra sem myndu styðja Sjálfstæðisflokkinn ef gengið yrði til kosninga í dag eru mjög eða frekar andvígir upptöku gjaldmiðilsins. Hins vegar eru aðeins 4% stuðningsmanna flokksins mjög hlynntir evrunni, en 11% frekar hlynnt.

Mikill meirihluti stuðningsmanna framsóknarflokksins eru andvígir upptökunni, eða 71%. Hins vegar eru aðeins 18% hlynnt.

Hér má sjá niðurstöður fyrir alla stjórnmálaflokkanna.

Stikkorð: evra evran könnun