Barack Obama Bandaríkjaforseti og Mitt Romney, einn af frambjóðendum í forvali repúblíkana, eru hnífjafnir samkvæmt nýrri skoðunarkönnun Gallup í Bandaríkjunum.
Báðir fengju þeir 47% atkvæða á landsvísu. Hins vegar fengi Romney 47% í þeim 12 ríkjum sem mest óvissa ríkir um úrslitin (e. swing states) en Obama fengi 46%.
Hver forsetaframbjóðandi Repúblíkanaflokksins kemur ekki í ljós fyrr en eftir hálft ár, en síðustu úrslitin ættu að berast í lok júní á næsta ári.
Könnunin var gerð meðal skráðra kjósenda dagana 20-27 október