Nýjasta bók spennusagnahöfundarins Arnaldar Indriðasonar,
Einvígið
, er enn í fyrsta sæti á metsölulista Rannsóknarseturs verslunarinnar fyrir dagana 27. nóvember til 3. desember.
Þetta er þriðja vikan í röð sem Einvígið trónir á toppi listans sem nú er tekinn saman vikulega og birtur á vef Rannsóknarsetursins. Einvígið er jafnframt þessu þriðja mest selda bók á landinu það sem af er ári.
Í öðru sæti listans er nýjasta bók Yrsu Sigurðardóttur,
Brakið
en sú bók kemur beint inn á Topp 10 listann í þessari viku. Í þriðja sæti listans yfir metsölubækur í síðustu viku er
Heilsuréttir Hagkaups
eftir Sólveigu Eiríksdóttur, sem einnig kemur ný inn á Topp 10 listann.
Í fjórða sæti listans er jafnframt ný bók,
Útkall – ofviðri í Ljósufjöllum
eftir Óttar Sveinsson. Þá er
Hollráð Hugos
eftir Hugo Þórisson í fimmta sæti og loks
Stóra Disney köku- og brauðgerðabókin
í sjötta sæti.
Gamlinginn enn vinsælasta bókin á árinu
Gamlinginn sem skreið út um gluggann og hvarf
eftir sænska rithöfundinn Jonas Jonasson, er enn í efsta sæti listans yfir mest seldu bækurnar á þessu ári, þ.e. frá 1. janúar á þessu ári. í öðru sæti er
Stóra Disney köku- og brauðgerðabókin
. Í þriðja sæti er
Einvígið
sem fyrr segir.
Önnur bók Yrsu Sigurðardóttur,
Ég man þig,
sem kom út fyrir síðustu jól er í fjórða sæti listans en hún hefur verið ofarlega á listanum síðustu mánuði.
Sjá listann í heild sinni.