Bandaríska samsteypan General Electric (GE) mun klofna í þrjú skráð fyrirtæki á næstu árum. Um er að ræða lið í áætlun forstjórans Larry Culp til að straumlínulaga rekstur félagsins, að því er kemur fram í frétt Financial Times.
Dótturfélagið GE Healthcare, sem býður upp á tæknilausnir í heilbrigðisgeiranum, verður skráð á hlutabréfamarkað árið 2023 en GE samstæðan mun halda um 20% hlut í fyrirtækinu.
Þá verða dótturfyrirtækin GE Renewable Energy, GE Power, and GE Digital sameinuð í eitt orkufyrirtæki sem fyrirhugað er að skrá á markað árið 2024. Eftir viðskipin þá verður upphaflega General Electric félagið tileinkað fluggeiranum.
Fyrirtækið sagði að breytingarnar koma í kjölfar fjárhagslegrar endurskipulagningar en skuldir félagsins lækkuðu um meira en 75 milljarða dala á milli áranna 2018 og 2021.
