*

mánudagur, 15. júlí 2019
Erlent 20. júní 2017 15:08

Gefa út skuldabréf til 10 og 30 ára

Skuldabréfaútgáfan er sú fyrsta frá því að viðskiptabann var sett á Rússland árið 2014.

Ritstjórn
epa

Rússnesk stjórnvöld hófu í dag útgáfu á ríkisskuldabréfum fyrir um sex milljarða dollara. Fjármálaráðuneyti landsins greindi frá þessu fyrr í dag samkvæmt frétt Financial Times.

Er þetta fyrsta skuldabréfaútgáfa rússneska ríkisins frá því að mörg vestræn ríki lögðu viðskiptabann á landið eftir innrás Rússa á Krímskaga árið 2014.

Skuldabréfin sem gefin voru út eru annars vegar til 10 ára og bera 4,25% vexti og hins vegar til 30 ára og bera þau bréf 5,25% vexti.

Skuldabréfaútgáfan sem hófst í dag mun standa fram á fimmtudag. Anton Siluanov fjármálaráðherra Rússlands hefur gefið það út að markmiðið með útgáfuni sé að safna nýju fjármagni fyrir þrjá milljarða dollara og endurfjármagna skuldir upp á fjóra milljarða. 

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is