*

sunnudagur, 1. ágúst 2021
Innlent 25. ágúst 2015 12:54

Gefa út tölvuleik sem kennir krökkum forritun

Sprotafyrirtækið Radiant Games hefur gefið út þrautaleikinn Box Island.

Ritstjórn
Aðsend mynd

Sprotafyrirtækið Radiant Games gaf í dag út þrautaleikinn Box Island í íslenskri útgáfu, en leikurinn auðveldar krökkum að beita grunngildum forritunar og eflir rökfræðilegan hugsunarhátt. 

Í leiknum taka krakkar þátt í ævintýri á eyjunni Box Island, en þar fer aðalsöguhetjan Hiro í leiðangur til að bjarga vini sínum eftir að loftbelgur þeirra brotlenti á eyjunni, að því er segir í tilkynningu.

Box Island er fyrsti íslenski spjaldtölvuleikurinn sem kynnir forritun fyrir krökkum. Hægt er að nálgast leikinn á App Store fyrir iPad (kostar rúmar 700kr.) og hentar hann krökkum 8 ára og eldri.

Stikkorð: Radiant Games Box Island