Gengi rafeyrisins Bitcoin féll um 16% á markaði í dag eftir að bilun kom upp í einum af helstu kerfum sem höndlar með myntina í Japan. Bilunin gerði það að verkum að ekki var mögulegt að eiga viðskipti með Bitcoin sem gjaldmiðil.
Breska dagblaðið Financial Times segir á vef sínum um málið að klúðrið í Japan geri lítið til að bæta stöðu Bitcon sem gjaldmiðils. Þvert á móti bætist vandinn við yfirlýsingu stjórnvalda í Rússlandi þess efnis að þau ætli að hamla framgangi Bitcoin og að þeir sem noti myntina séu að brjóta lög.
