Gengi hlutabréfa Icelandair Group féll um 2,46% í Kauphöllinni í dag og endaði gengi bréfanna í 5,15 krónum á hlut. Gengið rauk upp í 5,84 krónur á hlut 2. nóvember síðastliðinn og hafði þá ekki verið hærra síðan í mars árið 2009.
Gengislækkunin frá hæsta punkti í síðustu viku og nú er 11,8%. Til samanburðar seldi Framtakssjóður Íslands 10% hlut í félaginu í vikunni fyrir 2,7 milljarða króna á genginu 5,42 krónur á hlut. Gengið nú er 5% lægra en þá.
Af öðrum félögum í Kauphöllinni þá lækkaði gengi bréfa Marel um 0,83% og gengi bréfa Össurar um 0,51%.
Nærri öll viðskiptin voru með hlutabréf Icelandair Group og Marel, fyrir 33,8 milljónir króna af 34,2 milljónum.
Úrvalsvísitalan lækkaði um 0,7% og endaði í 890,2 stigum.
