„Þetta er einn af þeim fáu mönnum sem ég hef kynnst um ævina sem ég nenni að gera heimildarmynd um,“ segir Sigurður G. Valgeirsson, einn að standenda heimildarmyndar um líf og starf tónlistarmannsins og bassaleikarans Tómasar R. Einarssonar. Í myndinni er sagt frá ferðalagi Tómasar frá Dölunum og víðar, ferðalagi hans í músíkinni og lífinu. Auk ferðalags Tómasar fer hann vestur í Dali en þar mun hann halda tónleika í Dalabyggð í Búðardal 11. júní með níu manna bandi. Tónleikarnir mynda hryggjarstykkið í myndinni utan um eldra myndefni frá ýmsum tímum í lífi Tómasar.
Það eru engir smávesírar sem koma að kvikmyndagerðinni. Auk fjölmiðlamannsins og Spaða trommarans Sigurðar, sem dags daglega vinnur sem upplýsinga fulltrúi Fjármálaeftirlitsins, eru í þessu með honum Sveinbjörn I. Baldvinsson, handritshöfundur dönsku sjónvarpsþáttanna Forsvar og Taxa auk íslensku þáttanna Hamarinn og Hraunið; Jón Karl Helgason, mun leikstýra og sitja á bak við myndavélalinsuna; og Jóna Finnsdóttir, fyrrverandi framkvæmdastjóri Listaháskóla Íslands og kona Sveinbjarnar. Þau tvö komu að gerð myndarinnar Tár úr steini, sem fjallaði um annan tónlistar mann, tónskáldið Jón Leifs.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
