Gervitáknmálstúlkur sem sakaður er um að hafa gabbað allan heiminn á minningarathöfn um Nelson Mandela í Suður Afríku í gær bað heyrnarlausa afsökunar í dag. Þó með semingi.
Upp komst um að táknmálstúlkurinn sem átti að vera að túlka orð ræðumanna á borð við Barack Obama og fleiri var alls ekki að þýða yfir á táknmál. Hann virðist jafnframt ekki kunna það.
Ef samfélag heyrnarlausa telur að ég hafi verið að túlka rangt, þá biðst ég afsökunar, sagði Thamsanqa Jantjie við CNN í morgun . Hann sagðist jafnframt stríða við geðklofa.
Fyrr í morgun hafði túlkurinn sagt að hann væri fullkomlega hæfur túlkur sem hefið túlkað á morgum stórviðburðum. „Hingað til hefur enginn gert athugasemdir við túlkanir mínar,“ sagði hann.
