*

föstudagur, 13. desember 2019
Innlent 3. desember 2019 12:21

Gestur Breiðfjörð bætir við sig í VÍS

Stjórnarmaður í VÍS og 13. stærsti hluthafinn í félaginu kaupir fyrir tæplega 35 milljónir. Á nú bréf fyrir ríflega hálfan milljarð.

Ritstjórn
Skrifstofur Vátryggingafélag Íslands eru í Ármúla.
Haraldur Guðjónsson

Gestur Breiðfjörð Gestsson stjórnarmaður í VÍS hefur keypt í félaginu fyrir 34,2 milljónir króna í gegnum félag sitt Óskabein ehf.
Kaupin eru gerð á grundvelli framvirks samnings á genginu 11,4, en þegar þetta er skrifað er gengi bréfa félagsins 11,35 krónur.

Með kaupunum verður hlutafjáreign Gests í félaginu komið í ríflega 48,5 milljón hluti, sem miðað við kaupgengið er að andvirði 553,1 milljón króna.

Fyrr í dag gaf kauphöllin út lista yfir 20 stærstu eigendur allra félaganna á aðallista kauphallarinnar, og þar er Óskabein í 13. sæti með 2,48% hlut miðað við þennan eignarhluta sem hann á eftir kaupin.