Erlend fyrirtæki geta sparað umtalsverðar fjárhæðir með fjárfestingum hér á landi, s.s. í framleiðslu koltrefja, í rekstri gagnavera og annars konar starfsemi á borð við loðdýrarækt. Fram kemur í niðurstöðum tveggja skýrsla að sparnaðurinn geti verið allt frá 3,5 milljónum dala til 48,3 milljóna, jafnvirði rúmra 400 milljóna króna og allt upp í sex milljarða hvort fjárfest er hér, í Bandaríkjunum eða á meginlandi Evrópu.
Niðurstöður úr skýrslu Omnia LLC sýna að mögulegur sparnaður við framleiðslu koltrefja á Íslandi eru 16,4 milljónir Bandaríkjadala ef miðað við Bandaríkin og 48,3 milljónir Bandaríkjadala ef miðað er við Evrópu. Niðurstaða samanburðarskýrslu PwC í Belgíu sýnir að það munar um 3,5 milljónum Bandaríkjdala á ári í rekstri 10 þúsund fermetra gagnavers á Íslandi miðað við Bandaríkin og um 8,5 milljónum Bandaríkjdala á Íslandi miðað við Bretlandi.
Fjallað verður um málið og samkeppnishæfni Íslands á hádegisverðarfundi Félag viðskiptafræðinga og hagfræðinga (FVH) og Íslandsstofu á morgun.
Frummælendur verða Einar Einarsson, minkabóndi og ráðgjafi, Stefanía K. Karlsdóttir, eigendi fiskeldisins Matorku, Einar Hansen Tómasson, sérfræðingur Íslandsstofu, fjallar um Ísland og alþjóðleg gagnaver og Kristinn Hafliðason, sérfræðingur hjá Íslandsstofu, fjallar um koltrefjar og efnaiðnað á Íslandi. Þórður H. Hilmarsson forstöðumaður Íslandsstofu greinir frá áherslum Íslandsstofu á samkeppnisgreiningu nýrra atvinnugreina og stýrir fundinum.
Nánar má lesa um fundinn á vef Félags viðskiptafræðinga og hagfræðinga .
