Stór hluti þeirra upplýsinga sem Sigurður Ingi Jóhannsson, formaður Framsóknarflokksins, óskaði eftir í ítarlegri fyrirspurn um ESÍ fellur undir bankaleynd og verða þær því ekki veittar. Viðskiptablaðið greindi frá því í sumar að Sigurður Ingi hafi óskað eftir upplýsingunum og þurft að bíða þeirra töluvert lengur en lög gera ráð fyrir.
Í svari Bjarna Benediktssonar forsætisráðherra við fyrirspurninni segir meðal annars: „stór hluti þeirra upplýsinga sem fyrirspurnin beinist að eru bæði þess eðlis og efnis að þær varða hagi viðskiptamanna ESÍ og dótturfélaga þess (og þar með Seðlabanka Íslands) og ekki síður málefni bankans sjálfs. Þar af leiðandi teljast þær ekki til opinberra upplýsinga og um þær ríkir þagnarskylda
Svarið birtist á vef Alþingis í gær og má lesa hér.
Í því segir meðal annars að eignir ESÍ hafi verið umfangsmiklar eftir hrun, um 490 milljarðar árið 2009 en var 42,7 milljarðar í lok síðasta árs.
Í svarinu segir að Seðlabankinn hyggist birta á næsta ári skýrslu um ESÍ og meðferð eigna þess.