Verslunum Geysis hefur verið skellt í lás og öllu starfsfólki sagt upp störfum. Þetta herma heimildir Vísis en rekstur Geysis hefur verið vandasamur undanfarna mánuði vegna mikillar samdráttar í komu ferðamanna til landsins sökum COVID-19 heimsfaraldursins.

Geysir rak tvær verslanir á Skólavörðustíg í miðbæ Reykjavíkur, eina verslun í verslunarmiðstöðinni Kringlunni og eina verslun á Akureyri. Að auki rak félagið Fjallraven verslun á Laugavegi.

Í frétt Vísis segir að verslun Geysis í Haukadal sé rekin í öðru félagi, Geysi Shops ehf. en starfsfólki þeirrar verslunar ku ekki hafa verið sagt upp störfum.