*

laugardagur, 27. nóvember 2021
Fólk 11. október 2021 11:50

Gísli frá Origo til Gæðabaksturs

Gísli Þorsteinsson hefur verið ráðinn sölu- og markaðsstjóri hjá Gæðabakstri-Ömmubakstri en hann starfaði áður hjá Origo.

Ritstjórn
Gísli Þorsteinsson, nýr sölu- og markaðsstjóri hjá Gæðabakstri-Ömmubakstri.
Aðsend mynd

Gísli Þorsteinsson hefur verið ráðinn sölu- og markaðsstjóri hjá Gæðabakstri-Ömmubakstri, sem sérhæfir sig í fersku brauðmeti.

Gísli starfaði um árabil sem markaðstjóri tæknifyrirtækisins Origo. Þar áður var hann markaðsstjóri MATÍS og blaðamaður hjá Morgunblaðinu. Hann er með MBA frá Háskólanum í Reykjavík, BA í sagnfræði og lokið hagnýtri fjölmiðlun frá Háskóla Íslands.

Gæðabakstur var stofnaður 1993 en á rætur að rekja til ársins 1952 þegar Ömmubakstur var stofnaður. Fyrirtækið rekur einnig Kristjánsbakarí á Akureyri en alls starfa um 150 manns hjá fyrirtækjunum.

„Gæðabakstur-Ömmubakstur er á afar spennandi markaði þar sem mikil nýsköpun og þróun í vöruframboði á sér stað. Fyrirtækið hefur verið leiðandi nýjungum og hyggst efla þann þátt enn frekar á komandi misserum. Það er því afar áhugaverðir tímar framundan hjá Gæðabakstri,“ segir Gísl í tilkynningu.