Það var glatt á hjalla þegar 23 auglýsingastofa hélt kokteilboð til að fagna 6 ára afmæli og flutningum á dögunum. Auglýsingastofan hefur nú flutt starfsemi sína í nýtt húsnæði úti að Fiskislóð 31 úti á Granda.
23 auglýsingastofa sérhæfir sig í markaðsþjónustu við fyrirtæki á fyrirtækjamarkaði. Auk þess starfrækir stofan birtingaþjónustu til miðlunar kynningarefnis í hvers kyns prentmiðlum, ljósvakamiðlum og vefmiðlum.
Eigandi og framkvæmdastjóri stofunnar er Ágúst Guðbjörnsson og starfsmenn eru að jafnaði 6-8 auk fjölmargra undirverktaka.