Belgíska brugghúsið InBev hagnaðist um 542 milljónir evra á öðrum fjórðungi og er það 8,6% aukning á milli ára.
Afkoman er mun betri en sérfræðingar höfðu spáð en gert hafði verið ráð fyrir 490 milljóna evra hagnaði. Söluaukning átti sér stað í Rómönsku Ameríku en hins vegar varð samdráttur í Rússlandi.
Það var sérstaklega sala á dýrari bjór sem dreif áfram afkomuna.
Sem kunnugt er stendur InBev í yfirtöku á bandaríska brugghúsinu Anheuser Busch, sem meðal annars framleiðir hinn vel þekkta bjór Budweiser.
