*

miðvikudagur, 20. október 2021
Erlent 15. ágúst 2011 13:54

Google kaupir Motorola

Kaupverðið nemur 12,5 milljörðum Bandaríkjadala. Stærsta fjárfesting Google frá upphafi.

Ritstjórn
Aðrir ljósmyndarar

Bandaríska veffyrirtækið Google er að kaupa bandaríska farsímaframleiðandann Motorola Mobility, sem meðal annars framleiðir Android snjallsíma, á 12,5 milljarða Bandaríkjadala, 1.439 milljarða króna. Þetta er langstærsta fjárfesting Google frá upphafi en þetta er liður í að styrkja farsímahluta Google. Samkvæmt samkomulaginu greiðir Google 40 dali fyrir hvern hlut í Motorola sem er 63% hærra verð en lokagildi félagsins í síðustu viðskiptum fyrir yfirtökutilboðið. Með yfirtökunni verður Google í framleiðslu á farsímum og því í beinni samkeppni við Apple. 

Stikkorð: Google Motorola