Sala stoðtækjafyrirtækisins Össurar nam 84 milljónir Bandaríkjadala á síðasta ársfjórðingi. Í tilkynningu kemur fram að sala var góð á stoðtækjum en þar var söluvöxtur 11%. EBITDA hlutfall var 23% og hagnaður 7% af sölu. Félagið kynnti á ársfjórðungnum aðra kynslóð af hátæknihnénu Rheo Knee og gekk frá nýjum sölusamningum í Bandaríkjunum
Á ársfjórðungnum var félagið skráð á NASDAQ OMX í Kaupmannahöfn.
"Við erum ánægð með niðurstöður fjórðungsins. Reksturinn gengur vel og er arðsamur. Sala á stoðtækjum hefur farið fram úr væntingum, vörunýjungar og ný kynslóð af hátæknihnénu Rheo Knee hafa hlotið góðar móttökur á markaðnum og styrkir það hátæknivörulínu okkar enn frekar. Sala á spelkum og stuðningsvörum er að ná jafnvægi og við erum vongóð um að sjá viðsnúning í sölu á þessari vörulínu á næstu fjórðungum," segir Jón Sigurðsson, forstjóri í tilkynningu.