Úrvalsvísitala kauphallar Nasdaq Iceland hækkaði um 1,33% í dag og endaði í 1,823 stigum. Frá áramótum hefur vísitalan hækkað um 39,11%.
Í dag hækkaði mest gengi bréfa Regins um 5,48% í 478 milljón króna viðskiptum. Gengi bréfa Eikar fasteignafélags hækkaði um 3,95% í viðskiptum sem hljóðuðu upp á 410 milljónir króna. Einnig hækkaði gengi bréfa Icelandair um 2,24% í 1,3 milljarða króna viðskiptum.
Aðeins gengi bréfa HB Granda hf. lækkaði, en það var um 1,18% í 148 milljóna króna viðskiptum.
Heildarvelta á hlutabréfamarkaði í dag var rúmir 4 milljarðar króna. Heildarvelta á skuldabréfamarkaði var 10,2 milljarðar króna.
Hlutabréfavísitala GAMMA hækkaði um 1,5% í dag í 3,9 milljarða króna viðskiptum.
Skuldabréfavísitala GAMMA hækkaði um 0,1% í dag í 9,5 milljarða króna viðskiptum.
Verðtryggði hluti vísitölunnar lækkaði um 0,2% í 2,1 milljarða viðskiptum og óverðtryggði hluti vísitölunnar hækkaði um 0,6% í 7,5 milljarða króna viðskiptum.