Úrvalsvísitala kauphallar Nasdaq Iceland hækkaði um 0,57% í dag og endaði í 1,801 stigi. Þá hefur vísitalan lækkað um 4,19% frá áramótum.
Í dag hækkaði mest gengi bréfa Marel, eða um 1,95% í 2,6 milljarða króna viðskiptum, en verð á hvert bréf er þá 235,5 krónur. Einnig hækkaði gengi bréfa Eikar, eða um 0,71% í 218 milljóna króna viðskiptum. Verð á hvert bréf Eikar nemur þá 8,54 krónum.
Mest lækkaði gengi bréfa Reita um 1,20% í 235 milljóna króna viðskiptum. Verð á hvern hlut Icelandair er þá 82,60 krónur. Einnig lækkaði gengi bréfa Regins um 0,96% í 35 milljóna króna viðskiptum. Verð á hlut er þá 20,65 krónur.
Heildarvelta á hlutabréfamarkaði í dag voru tæpar 3,7 milljarðar króna. Heildarvelta á skuldabréfamarkaði var 7 milljarðar króna.
Hlutabréfavísitala GAMMA hækkaði um 0,5% í dag í 3,8 milljarða króna viðskiptum.
Skuldabréfavísitala GAMMA lækkaði um 0,3% í dag í 6 milljarða króna viðskiptum. Verðtryggði hluti vísitölunnar lækkaði um 0,2% í 1,3 milljarða króna viðskiptum og óverðtryggði hluti vísitölunnar lækkaði um 0,6% í 4,7 milljarða króna viðskiptum.
