Origo var eina félagið sem lækkaði í viðskiptum dagsins í kauphöllinni, en lækkunin nam 1,46%. Úrvalsvísitala kauphallarinnar hækkaði um 0,94% í viðskiptum dagsins.

Mest hækkaði verð á hlutabréfum í Heimavöllum, eða um 4,13%. Næst mest hækkun var á bréfum Eimskips, eða 3,35%.

Annan daginn í röð var mest velta með bréf Marels en hún var 415 milljónir króna. Heildarveltan í kauphöllinni í dag nam tæpum 2 milljörðum.

Skuldabréfavísitala GAMMA stóð í stað. En vísitala óverðtryggðra skuldabréfa hækkaði um 0,01% og vísitala verðtryggðra skuldabréfa stóð í stað.