Gengi 14 félaga, af þeim 20 sem skráð eru á Aðalmarkað kauphallar Nasdaq á Íslandi, hækkaði í viðskiptum dagsins. OMXI10 vísitalan hækkaði fyrir vikið um 0,05% og stendur hún í 2.051 stigi. Heildarvelta viðskipta dagsins nam 2,8 milljörðum króna.
Gengi Brims hækkaði mest í viðskiptum dagsins, eða um 3,27% í 451 milljóna króna viðskiptum. Þá hækkaði gengi Eimskipafélagsins um 3,11% í 127 milljóna króna viðskiptum.
Gengi bréfa kviku banka lækkaði mest í viðskiptum dagsins, eða um 1,47% í 136 milljóna króna veltu.
