Grænn dagur var í Kauphöllinni í dag en ekkert félag lækkaði á markaði í viðskiptum dagsins.
Verð á hlutabréfum í Símanum hækkaði mest eða um 2,51% í 180 milljóna króna viðskiptum í dag. Reitir hækkuðu næstmest eða um 2,19% í 97 milljóna króna viðskiptum.
Þá hækkaði Eik um 1,53% í 87 milljóna króna viðskiptum og Icelandair hækkaði um 1,52% í 9 milljóna króna viðskiptum. TM hækkaði um 1,04% í 2 milljóna króna viðskiptum. Önnur félög hækkuðu um minna en 1%.
Heildarvelta á Aðalmarkaði hlutabréfaviðskipta nam 794,2 milljónum króna og hlutabréfavísitala Aðalmarkaðarins hækkaði um 0,55%.
