Hlutabréf í HB Granda hækkuðu um 11,4% í 517 milljóna króna viðskiptum í gær. Í byrjun dags var gengið 30,2 en nú stendur það í 33,65. Á síðustu tólf mánuðum hefur gengi hlutabréfanna hæst arið í 36,8 en það var í lok janúar á þessu ári .
Hækkun á gengi hlutabréfanna kemur í kjölfar risaviðskipta á miðvikudaginn en þá keypti Guðmundur Kristjánsson, útgerðarmaður í í Brimi, 34% hlut í HB Granda á tæplega 22 milljarða króna . Seljandinn voru félög sem eru að stærstum hluta í eigu Kristjáns Loftssonar.
Samkvæmt lögum myndast yfirtökuskylda þegar einn aðili eignast 30 prósent eða meira í skráðu hlutafélagi. Guðmundur hefur nú fjögurra vikna frest til að gera yfirtökutilboð í öll hlutabréf HB Granda.
Fleiri fréttir af sölunni á þriðjungshluta HB Granda til Brims:
- 20. apríl 2018 - 20% alls kvóta í fyrirtækjum Brims
- 20. apríl 2018 - Kaupin mynda yfirtökuskyldu á HB Granda
- 18. apríl 2018 - Selur í Granda fyrir 21,7 milljarða