Veiðigjöld eru lögð á allar aflaheimildir, líka þær sem ekki eru nýttar. Þetta kemur fram í Fiskifréttum sem komu út í morgun.
Um 16 þúsund tonn af loðnukvótanum brunnu inni á vertíðinni þannig að veiðigjöld voru lögð á óveidda loðnu, líklega að upphæð rúmar 106 milljónir króna.
Framkvæmdastjóri Síldarvinnslunnar vill að álagning á kvóta sem ekki er hægt að nýta verði endurskoðuð.
Veiðigjöldin taka mið af þorskígildisstuðlum. Stuðullinn fyrir loðnu er 0,14. Almennt veiðigjald er 9,5 krónur á þorsk ígildiskíló og sérstakt veiðigjald er 38,25 krónur á kíló.
Óveiddi kvótinn í loðnu er 16.000.000 kíló sem eru 2.240.000 þorskígildiskíló.
Almenna gjaldið er þannig 21,3 milljónir og sérstaka gjaldið 85,7 milljónir, eða samtals 107 milljónir.