Kaupþing hefur tilkynnt útrgreiðsluhlutfall úr peningamarkaðs- og skammtímasjóði sínum.
85,3% inneignar í peningamarkaðssjóði verður greidd út en útgreiðsluhlutfall skammtímasjóðs er 75,1%.
Peningarnir voru greiddir inn á vörslureikning í nafni eiganda hlutdeildarskírteinis í sjóðunum.
Skammtímasjóður Kaupþings fjárfesti aðallega í víxlum og skuldabréfum til skamms tíma útgefnum af fjármálastofnunum, fyrirtækjum, sveitarfélögum og íslenska ríkinu, samkvæmt upplýsingum af heimasíðu bankans.
Peningamarkaðssjóður fjárfesti aðallega í víxlum og skuldabréfum til skamms tíma útgefnum af fjármálastofnunum, fyrirtækjum og íslenska ríkinu.