Einn þeirra einstaklinga, sem hafa stöðu grunaðs manns í rannsóknum embættis sérstaks saksóknara á mögulegum sakamálum tengdum bankahruninu, hefur verið úrskurðaður í farbann.
Embættið staðfesti þetta en vill ekki upplýsa um hver viðkomandi einstaklingur er né hvaða rannsókn hann tengist. Úrskurðurinn féll fyrr í desembermánuði í héraðsdómi Reykjavíkur.
Þetta er í fyrsta sinn sem embætti sérstaks saksóknara hefur beitt farbannsúrræði. Úrskurðinn var ekki birtur á heimasíðu íslenskra dómstóla líkt og venja er.
Hjá Héraðsdómi Reykjavíkur fengust þær upplýsingar að málið væri svokallað rannsóknarmál og því fáist engar upplýsingar um það.