*

miðvikudagur, 17. júlí 2019
Innlent 4. apríl 2013 14:48

Guðmundur Franklín ekki kjörgengur

Formaður Hægri grænna sótti um flutning á lögheimili of seint og er því ekki kjörgengur í Alþingiskosningunum.

Ritstjórn
Haraldur Guðjónsson

Guðmundur Franklín Jónsson, formaður Hægri grænna, er ekki á kjörskrá og þar með ekki kjörgengur, að því er segir í frétt Ríkisútvarpsins. Guðmundur hefur verið búsettur lengi erlendis og sótti um flutning á lögheimili í dag.

Frestur til að færa lögheimili sitt til landsins og komast þannig á kjörskrá í tæka tíð fyrir kjördag 27. apríl rann út 23. mars. Sem íslenskur ríkisborgari búsettur erlendis hefði Guðmundur þurft að sækja um að komast á kjörskrá fyrir 1. desember.

Guðmundur segist í samtali við RÚV verða að finna nýjan mann í fyrsta sæti á framboðslista Hægri grænna í Suðvesturkjördæmi. Hann hyggst þó áfram gegna formennsku í flokknum. Guðmundur segir að lögmaður sinn sé núna að skoða hvort hann geti kært sig inn á kjörskrá.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is