Guðmundur Helgi Þórarinsson hefur verið kjörinn nýr formaður Félags vélstjóra og málmtæknimanna en niðurstaða kosninganna var kynnt á aðalfundi félagsins í gær að því er kemur fram í tilkynningu.
Í kosningu til formanns VM, tímabilið 2018 til 2022, voru tveir félagsmenn í framboði, þeir Guðmundur Ragnarsson, sitjandi formaður, og Guðmundur Helgi Þórarinsson.
Niðurstaða kosningarinnar var að Guðmundur Helgi Þórarinsson hlaut 411 atkvæði, eða 51,50%, og Guðmundur Ragnarsson fékk 366 atkvæði, eða 45.86%. Auðir seðlar voru 21.
Guðmundur Helgi Þórarinsson er því réttkjörinn formaður VM tímabilið 2018 til 2022. Guðmundur hefur verið í aðalstjórn VM frá stofnun félagsins og var áður í stjórn Vélstjórafélags Íslands um árabil.
Einnig var kosið til stjórnað VM tímabilið 2018 til 2020.
Aðalmenn í stjórn verða þeir:
- Agnar Ólason, HB Granda, Samúel Ingvason, Stálsmiðjunni Framtak ehf.
- Kristmundur Skarphéðinsson, HS-Orku
- Sigurður Gunnar Benediktsson, Orkuveitu Reykjavíkur
- Þorsteinn Hjálmarsson, Eimskip
- Símon Guðvarður Jónsson, Héðni hf.
- Guðni Þór Elisson, Eskju hf.
- Svanur Gunnsteinsson, Ísfélagi Vestmannaeyja hf.
Varamenn í stjórn verða þeir:
- Andrés Bjarnason, Landsvirkjun
- Brynjólfur Árnason, RTA (ÍSAL)
- Jón Kornelíus Gíslason, Marel Iceland ehf.
- Örn Friðriksson, Vinnslustöðinni hf.
- Arnar Már Jónsson, Alvotech
- Páll Heiðar Magnússon Aadnegard, Eimskip
- Ágúst Grétar Ingimarsson, Hampiðjunni hf.
- Þorleifur Halldórsson, Hamri ehf.