*

þriðjudagur, 14. júlí 2020
Fólk 3. júní 2020 13:15

Guðni ráðinn til Íslenskra verðbréfa

Eignarstýringarfyrirtækið Íslensk verðbréf hefur ráðið til sín Guðna Halldórsson.

Ritstjórn
Guðni Halldórsson hefur störf hjá Íslenskum verðbréfum.
Aðsend mynd

Guðni Halldórsson hefur hafið störf hjá Íslenskum verðbréfum. Guðni er sérfræðingur og viðskiptalögfræðingur með reynslu af ráðgjöf við kaup, sölu og samruna fyrirtækja. 

Hann hefur undanfarin 15 ár komið að viðskiptum og ráðgjöf vegna fyrirtækjaviðskipta hjá Kontakt fyrirtækjaráðgjöf og þar áður hjá SPRON verðbréfum. Síðustu ár hefur Guðni starfað sem framkvæmdastjóri Kontakt fyrirtækjaráðgjafar.

„Guðni kemur að borðinu með umtalsverð tengsl og þekkingu á fjármögnunarumhverfi minni og meðalstórra fyrirtækja sem á eftir að nýtast viðskiptavinum okkar sérstaklega vel. Hann er öflug viðbót við teymið og við gerum ráð fyrir góðum hlutum frá honum á næstunni,“ segir Jóhann Ólafsson, forstjóri ÍV, í fréttatilkynningu á vef fyrirtækisins.