Guðrún Einarsdóttir, viðskiptafræðingur, hefur verið ráðin sem starfsmannastjóri Wow air en um að er ræða nýja stöðu hjá fyrirtækinu.
Í tilkynningu frá Wow air kemur fram að Guðrún starfaði hjá Landspítala Háskólasjúkrahúsi 2003-2006 á hag- og upplýsingasviði og sem fjármálaráðgjafi hjá Barnaspítala Hringsins.
Guðrún var starfsmaður Nova frá stofnun og tók þátt í uppbyggingu félagsins. Frá árinu 2007 starfaði hún sem markaðsstjóri Nova. Guðrún sat í stjórn Ímark 2011-2012.
Til gamans má geta þess að Liv Bergþórsdóttir, framkvæmdastjóri Nova, situr í stjórn Wow air.
