Guðrúnu Högnadóttur, framkvæmdastjóra og meðeigendum hennar hjá FranklinCovey NordicApproach, voru veitt heiðursverðlaun á fundi eigenda í Los Angeles 18. janúar síðastliðinn. Félag þeirra Guðrúnar var söluhæst í fyrra, annað árið í röð. Þau fengu af þessum sökum sérstaka viðurkenningu fyrir árangur með sölunámskeið (Helping Clients Succeed) og veflausnir.

FranklinCovey er alþjóðlegt fyrirtæki sem er skráð í kauphöllina í New York og hefur það starfað sjálfstætt hér á landi síðastliðin ár. Á myndinni er Guðrún með meðeigendum sínum, þeim Jannick Petersen og Henry Rawet með Sean Covey.