Guðrún Erla Jónsdóttir, formaður stjórnar Veitna, tekur tímabundið við starfi framkvæmdastjóra Veitna þangað til ráðið hefur verið í stöðuna. Guðrún Erla stígur á sama tíma til hliðar sem stjórnarformaður og tekur ekki þátt í störfum stjórnar meðan hún gegnir starfinu.
Guðrún Erla kemur ekki til með að sækja um stöðuna. Inga Dóra Hrólfsdóttir, sem er að færast til innan samstæðunnar, lætur formlega af störfum þann 11. júní næstkomandi.
Starf framkvæmdastjóra var auglýst laust til umsóknar 25. maí síðastliðin og rennur umsóknarfrestur út þann 9. júní næstkomandi.
Sólrún Kristjánsdóttir, varaformaður stjórnar, mun stýra starfi stjórnar þar til nýr framkvæmdastjóri tekur til starfa.
