*

þriðjudagur, 25. júní 2019
Innlent 28. maí 2018 08:26

Gunnar afþakkar bæjarfulltrúalaun

Bæjarstjóri Garðabæjar var áttundi og síðasti bæjarfulltrúi Sjálfstæðisflokksins sem kosinn var í bæjarstjórn.

Ritstjórn
Gunnar Einarsson bæjarstjóri Garðabæjar var 8. maður á lista Sjálfstæðisflokksins í bænum.
Haraldur Guðjónsson

Gunnar Einarsson bæjarstjóri Garðabæjar segir ekki óeðlilegt að laun hans sem bæjarfulltrúa falli niður fyrst hann var óvænt kosinn í bæjarstjórn að því er segir í Morgunblaðinu. Gunnar hefur sjálfur ekki setið í bæjarstjórn en eftir kosningasigur flokksins í bænum þar sem flokkurinn náði 8 bæjarfulltrúm af 11 er hann kominn inn.

Hann sat í áttunda sæti listans og segir stærð kosningasigurs flokksins hafa komið mikið á óvart. Flokkurinn fékk 62,01% atkvæða, sem er aukning um 3,19% en Garðabæjarlistinn fékk 28,13%.

Hvorki Framsóknarflokkur né Miðflokkur náðu innmönnum, sá fyrrnefndi fékk 3,07% sem er minnkun um 3,53% frá síðasta ári og Miðflokkurinn fékk 6,79%. „Mér þætti ekkert óeðlilegt við það að allar greiðslur sem ég á að fá sem bæjarfulltrúi myndu detta út,“ segir Gunnar sem segir úrslitin vonum framar.

Hér má sjá nýkjörna bæjarfullltrúa Garðabæjar:

Fyrir Sjálfstæðisflokk voru kosnir:

  1. Áslaug Hulda Jónsdóttir, forstöðumaður
  2. Sigríður Hulda Jónsdóttir, ráðgjafi
  3. Sigurður Guðmundsson, lögfræðingur
  4. Gunnar Valur Gíslason, verkfræðingur
  5. Jóna Sæmundsdóttir, lífeindafræðingur
  6. Almar Guðmundsson, hagfræðingur
  7. Björg Fenger, lögfræðingur
  8. Gunnar Einarsson, bæjarstjóri

Fyrir Garðabæjarlistann voru kosnir:

  1. Sara Dögg Svanhildardóttir, stjórnandi
  2. Ingvar Arnarson, framhaldsskólakennari
  3. Harpa Þorsteinsdóttir, lýðheilsufræðingur
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is