Úrvalsvísitala kauphallar Nasdaq Iceland hækkaði um 1,24% í viðskiptum dagsins og stendur hún nú í 1821,51 stigi eftir rúmlega 2,7 milljarða viðskipti.
Gengi bréfa Sjóvá hækkaði um 2,7% í 132 milljóna viðskiptum og Marel um 2,04% í 254 milljóna viðskiptum
Gengi bréfa Haga lækkaði um 2,26% í 288 milljóna króna viðskiptum og Vodafone um 0,41% í 12 milljóna viðskiptum.
Mest velta var í viðskiptum með bréf Icelandair Group sem hækkuðu um 1,62% í 297 milljóna króna viðskiptum.
Vísitölur Gamma
Skuldabréfavísitala Gamma hækkaði um 0,6% í 3,6 milljarða viðskiptum. Þar hækkaði verðtryggði hluti vísitölunnar um 0,78% og sá óverðtryggði um 0,3%.
