Skuldabréfavísitala GAMMA hækkaði um 0,23% í dag. Verðtryggði hluti vísitölunnar hækkaði um 0,19% og sá óverðtryggði um 0,33%. Velta á skuldabréfamarkaði í dag nam 24,4 milljörðum króna og var nær öll í viðskiptum með óverðtryggð bréf.
Athyglisvert er að þrátt fyrir miklar lækkanir á skuldabréfamarkaði á miðvikudaginn hefur verðtryggði hluti vísitölunnar hækkað um 0,13% í vikunni. Óverðtryggði hlutinn hefur hins vegar lækkað um 1,23%.
Úrvalsvísitala Kauphallarinnar hækkaði um 0,11% í dag í 861,4 milljóna króna veltu. Gengi bréfa Eimskips hækkaði um 0,72%, Fjarskipta um 0,29% og Icelandair Group um 0,26%. Ekkert félag lækkaði í verði í dag.
