Hlutabréfamarkaðir í Kína lækkuðu í viðskiptum dagsins, en hækkuðu um mest alla Asíu.

Samsetta Sjanghæ vísitalan hækkaði við opnun markaða en endaði í lækkun sem nam 2,4%. Samsetta Shenzhen vísitalan féll einnig um 3,46% Útflutningur í Kína féll um 1,4% í desember og innflutningur lækkaði um 7,6%.

Nikkei í Japan jafnaði sig eftir verðfall í gær, þar sem vísitalan lækkaði um 2,7% og hækkaði um 2,88% í dag. Kospi vísitalan í Kóreu hækkaði um 1,34%. Hang Seng vísitalan í Hong Kong hækkaði einnig um 1,13%

Viðskipti með Texas hráolíu féllu niður fyrir 30 dali í viðskiptum innan gærdagsins í Bandaríkjunum. Olíuverð hækkaði í viðskiptum dagsins í Asíu sem nemur 1,12% á Texas hráolíu og er nú 30,78 dalir á tunnuna. Verð á Brent hráolíu hefur hækkað um 0,65% og er nú 31,06.