Heimsmarkaðsverð á olíu tók kipp í gær eftir að Sádi-Arabía ákvað á OPEC+ fundi helgarinnar að draga úr framleiðslu um eina milljón olíutunnur á dag í júlímánuði.
Vonir OPEC+ ríkjanna stóðu til að hækka olíuverð en svo virðist sem þær vonir séu að renna út í sandinn í dag.
Brent hráolía hækkaði um 2,4% í gær og náði hámarki í um 77 Bandaríkjadölum. Olíutunnan lækkaði hins vegar með deginum og mun opna á 73,9 Bandaríkjadölum í dag. Vestur-Texas hráolía lækkaði einnig um 1,7% og endaði daginn í 71 Bandaríkjadölum.
Olíuverð byrjaði þó að hækka fyrir OPEC+ fund helgarinnar og er hækkun síðustu fimm daga á Brent hráolíu enn um 2%
Samkvæmt The Wall Street Journal má rekja lækkunina til áhugaleysi hjá fjárfestum sem eru horfa á stöðu efnahagsins í heild sinni fremur en að einblína einungis á samdrátt í framleiðslu.
„Þjóðhagsspár halda áfram að hafa meiri áhrif á verðið heldur en framleiðslan á þessari stundu,“ segir Warren Patterson, yfirmaður fjárfestinga hjá ING.
