Lögbannskröfu Neytendasamtakanna á innheimtufyrirtækið Almenna innheimtu og eiganda þess Gísla Kr. Björnsson, hefur verið hafnað af sýslumanninum í Reykjavík. Greint er frá þessu á mbl.is og rætt við Breka Karlsson, formann Neytendasamtakanna, um málið.
Krafan um lögbann barst sýslumanni í síðustu viku, en hún var lögð fram í tengslum við innheimtuaðgerðir vegna smálána, sem að mati samtakanna voru ólögmætar. Í tilkynningu á vef Neytendasamtakanna kemur fram að þau hafi orðið þess áskynja að innheimtufyrirtækið beiti ólögmætum aðferðum við innheimtu krafna þannig að hlutfallstala kostnaðar sé mun hærri en lög heimili.
Í samtali við mbl.is segir Breki segir að rökstuðningur sýslumanns hafi verið á þá leið að fólk geti sjálft sótt kröfur sem það eigi inni hjá fyrirtækinu.
Breki segir að samtökin muni ekki una niðurstöðunn og stefnt sé á að áfrýja og fara með málið fyrir dóm.