Hagnaður Airbus flugvélaframleiðandans meira en tvöfaldaðist milli ára á öðrum ársfjórðungi, eða sem nemur 443% aukning. Fór hagnaðurinn úr því að vera 213 milljónir evra í 1.157 milljónir evra, eða sem samsvarar 156,3 milljörðum íslenskra króna.

Var hagnaðurinn töluvert umfram væntingar greinenda, en tekjurnar voru jafnframt umfram væntingar, í stað 17,8 billjóna evra námu þær um 18,3 billjónum, sem samsvarar 23% aukningu milli ára. Ástæðan er sögð meira en tvöföldun hjá flugvélaframleiðsluhluta fyrirtækisins, vegna mikillar aukinnar eftirspurnar.

Eins og mikið hefur verið í fréttum er aðalkeppinautur félagsins, Boeing í vandræðum með Max 737 vélar sínar sem hafa verið kyrrsettar meirihluta ársins, og var tap félagsins sögulega mikið á sama ársfjórðungi.